By: Bright Ntuli
Udokotela owaqaqa isidumbu sika-Senzo Meyiwa ukuthola imbangela yokushona kwakhe usetshele inkantolo yamajaji ePitoli ukuthi uMeyiwa owayengunozinti we-Bafana bafana waphila imizuzwana nje ngemva kokuthi edutshuliwe.
UJohannes Steenkamp usho kanje izolo ngenkathi ethula ubufakazi enkantolo lapho kuqulwa khona icala labalisa abangu-5 ababhekene nezinsolo zokubulala uMeyiwa.
UMeyiwa wadutshulwa wabulawa ekhaya lakubo kaloyo owayeyintombi yakhe uKelly Khumalo eVosloorus eGoli ngo-2014.
USteenekamp uthi uMeyiwa wadutshulwa umuntu owayeseduze isibhamu esibeke esifubeni wopha waze washona.


