Skip to main content

By: Bright Ntuli

Owesifazane useboshiwe kulandela izinsolo zokubandakanyeka ekubulaweni komkhwenyana wakhe obeyiphoyisa.

Lowesifazane oneminyaka engu-34 ubudala kubikwa ukuthi zimkhalele esemsebenzini esitolo esidayisa ukudla eWaterloo, enyakatho yeTheku.

Isidumbu sika-Sakhile Mkhize owayeyiphoyisa satholwa sidindilize ezitebhisini eflathini ayehlala kulo nomsolwa ngo-June 2022.

Oyisikhulumi samaphoyisa uRobert Netshiunda uthi umsolwa lona uyavela enkantolo kamantshi eVerulam enyakatho yeTheku namhlanje.

powered by Advanced iFrame