Skip to main content

By: Pamella Majola

Umnyango wezemfundo eGauteng, usudalule izindaba ezishaqisayo ngokudutshulwa kukathisanhloko wesikole i-Primrose Primary,  edutshulwa umfundi wakulesikole oneminyaka engu-13 ubudala.

Umnyango uthi lomfundi kanye nabangani bakhe, kuthiwa kade baqala behlela ukubulala uthishomkhulu.

UNgqongqoshe wezemfundo kulesiyasifundazwe, uMatome Chiloane, uthi uphenyo lomnyango luthole ukuthi labafundi bebexhumana ngo-WhatsApp bakha itulo lokuthi uthisha lo, uzodutshulwa kanjani.

Uthi abazali bomfundi odubulile, nabo basazothathelwa izinyathelo zomthetho bethwese amanye amacala, njengoba isibhamu bekungesabo.

 

powered by Advanced iFrame