By: Sthulile Mdletshe
UNgqongqoshe wezeMfundo ePhakeme, u-Blade Nzimande, uthi umnyango wakhe ususungule inhlangano ebizwa nge-Higher Health, nokuhloswe ngayo ukubhekana nodlame nezinye izinkinga ezithinta abafundi kanjalo nabasebenzi.
Usho kanje ephawula ngesigameko sasenyuvesi i-Cape Peninsula, eWestern Cape, lapho owesifazane ofunda kulesikhungo egwazwe khona yisoka lakhe.
Lo wesifazane kubikwa ukuthi uyalulama esibhedlela kanti umsolwa lo, obeyisitshudeni senyuvesi engumakhelwane, i-University of Western Cape useboshiwe nenyuvesi isimxoshile.
USthulile Mdletshe uyabika.


