Skip to main content

By: Bright Ntuli

Amaphoyisa KwaZulu-Natal athi seziyabonakala izithelo zomkhankaso wawo iOperation Shanela okuhloswe ngawo ukulwisana nobugebengu.

Athi kulenyanga eyedlule nje iyodwa abophe abasolwa abangu-9 552 ngamacala ahlukenne, athola izibhamu ezingu-258.

Aqhuba ngokuthi abangu-167 kulaba basolwa ngokubulala, kanti abangu-137 basolwa ngokuzama ukubulala.

Oyisikhulumi samaphoyisa aseKZN uRobert Netshiunda uthi bazibophezele ukuqhubeka nokwenza konke okusemandleni ukugcina imiphakathi yakuleli iphephile.

 

powered by Advanced iFrame