By: Simtho Dladla
Iqembu lesizwe lakuleli i-Bafana Bafana, isishayela isipikili sokugcina kumalungiselelo ayo ngaphambi komdlalo wabo ne-Morocco ku-last 16 ye-African Cup of Nations.
I-Bafana isithelekile edolobhaneni lase-San Pedro flapho izobhekana khona nama 2022 Fifa World Cup semi-finalists I Morocco enkundleni i-Stade Laurent Pokou.
Womabili lamaqembu awaqali ukuhlangana kwazise umdlalo wawo wokugcina ubuseFNB Stadium ngonyaka owedlule khathi kuhlungelwa imidlalo ye- Afcon nalapho iBafana yawina ngo-2-1.
Leliqembu likaHugo Broos libambe umoya ngabadlali ababili abalimele uMothobi Mvala kanye no-Khuliso Mudau abahlale ngaphandle ngesikhathi leliqembu liziqeqesha.
Kumdlalo ozoqala ngo22h00 ebusuku ngoLwesibili, umqeqeshi uBroos unethemba ukuthi iqembu lakhe lizokazi ukulwa lize lifinyelele kowamaqambu kodwa lomsebenzi uzoqala uma sebebhekene neMorocco.


